ଯେକୌଣସି ଦିନ ପିଓକେରେ ତ୍ରିରଙ୍ଗା ଉଡ଼ିପାରେ : କେନ୍ଦ୍ରମନ୍ତ୍ରୀ
ନୂଆଦିଲ୍ଲୀ : ଗତ କିଛି ଦଶନ୍ଧି ଧରି ପାକିସ୍ତାନ ଜମ୍ମୁକଶ୍ମୀରର ଏକ ଅଂଶ ଦଖଲ କରିଛି । ୨୦୨୪ ଲୋକ
ସଭା ନିର୍ବାଚନ ପୂର୍ବରୁ ପାକିସ୍ତାନ ଅଧିକୃତ
କଶ୍ମୀର(ପିଓକେ)କୁ ଭାରତ କବ୍ଜା କରି ପୁଣିଥରେ
ଭାରତରେ ସାମିଲ ହେବ କି? ପାର୍ଲାମେଣ୍ଟର ଶୀତକାଳୀନ
ଅଧିବେଶନରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ
ଅଭିଭାଷଣ ପରେ ଏଭଳି କଳ୍ପନାଜଳ୍ପନା ବୃଦ୍ଧି ପାଇଛି ।
ଏହି କ୍ରମରେ କେନ୍ଦ୍ର ଗୃହରାଜ୍ୟ ମନ୍ତ୍ରୀ ନିଶିତ ପରମାଣିକ
ଏକ ଜାତୀୟ ଗଣମାଧ୍ୟମକୁ ସାକ୍ଷାତାକାର ଦେଇ ଏହା
ଅସମ୍ଭବ ନୁହେଁ । ପିଓକେରେ ଯେକୌଣସି ଦିନ ତ୍ରିରଙ୍ଗା
ଉଡ଼ିପାରିବ ବୋଲି ସେ ବଡ଼ ବୟାନ ଦେଇଛନ୍ତି । ଶାହାଙ୍କ
ବିବୃତ୍ତିକୁ ନେଇ ନିଶିତ କହିଛନ୍ତି, ଯଦି ପ୍ରଧାନମନ୍ତ୍ରୀ
ନରେନ୍ଦ୍ର ମୋଦି ଏବଂ ଗୃହମନ୍ତ୍ରୀ ଅମିତ ଶାହାଙ୍କ ଭଳି
କଠୋର ନିଷ୍ପତ୍ତି ନେବା ଲୋକ ରହିବେ ତେବେ କିଛି ବି
ହୋଇପାରେ । ଯଦି ଧାରା ୩୭୦ କଶ୍ମୀରରୁ ଉଚ୍ଛେଦ
ହୋଇପାରିବ ଏବଂ ଲାଲ ଚୌକରେ ତ୍ରିରଙ୍ଗା ଉଡ଼ିପାରିବ
ତେବେ ଦିନେ ଆପଣ ସକାଳୁ ଉଠି ପିଓକେରେ ଭାରତୀୟ
ପତାକା ଉଡ଼ୁଥିବା ମଧ୍ୟ ଦେଖିପାରିବେ । ଏହା ଅସମ୍ଭବ
କଥା ନୁହେଁ । ଦୁଇଜଣ ଶକ୍ତିଶାଳି ବ୍ୟକ୍ତି ଏବେ ଦେଶର
ନେତୃତ୍ୱ ନେଉଛନ୍ତି । ସେମାନେ ଦେଶର ସମ୍ମାନ ଏବଂ
ସ୍ୱାର୍ଥ ଲାଗି ଆବଶ୍ୟକୀୟ ପଦକ୍ଷେପ ଗ୍ରହଣ କରିପାରିବେ ।
ଏପରିକି ଭାଜପା ପିଓକେକୁ ଭାରତର ଏକ ଅଂଶ ଭାବେ
ମାନେ ବୋଲି ସେ କହିଛନ୍ତି । ଏହାଛଡ଼ା ଲୋକ ସଭା
ନିର୍ବାଚନ ପୂର୍ବରୁ ପିଓକେ ଭାରତରେ ସାମିଲ ହେବ କି
ପ୍ରଶ୍ନର ଜବାବରେ ଭାଜପା ନେତା କହିଛନ୍ତି, ତାହା ମୁଁ
କହିପାରିବି ନାହିଁ । ପ୍ରଧାନମନ୍ତ୍ରୀ ଏବଂ ଗୃହମନ୍ତ୍ରୀ କାମ
କରିବା ପୂର୍ବରୁ କିଛି କୁହନ୍ତି ନାହିଁ । ଧାରା ୩୭୦
ହଟାଯିବାର ୨ ଦିନ ପୂର୍ବରୁ ଏ ବିଷୟରେ କୌଣସି ସୂଚନା
ନ ଥିଲା । ପିଓକେ ଏବେ ପାକିସ୍ତାନର ଅଂଶ ଥିଲେ ହେଁ
ଏହା ଭାରତର ବୋଲି ସେ କହିଛନ୍ତି ।
Comments
Post a Comment